الأربعاء، 30 يوليو 2008


الحـــــــــــب ........

أن تشعر في زمن ما بإحتياجك لانسان ما لا يغنيك عنه شئ

إن غاب عنك شعرت جزء منك قد انفصل عنك

وإن كان معك شعرت انك تملك الدنيا بما فيها تراها كلها في عينه

السبت، 19 أبريل 2008

دعوه طلاق

طبعا كلكم مستعدين تخنقوني دلوقتي واي حد يقرأ العنوان هيقول ياستر يارب ان ابغض الحلال عند الله الطلاق ياساتر يارب ليه البنت النكديه ده بس والله انا مش كده الحكايه ببساطه اني قريت العنوان ده في احدي الجرائد وبعدها لقيت نفسي بضحك طيب تعالوا شوفوا وجهة نظري الناس الطبيعيه طبعا بتعمل دعوه فرح واكيد كلنا شوفناها هي ورقه عاديه مكتوب فيها اسم الزوج والزوجه انهم بيتشرفوا بدعوه حضارتكم لحضور عقد القران ولما نروح نلاقي كبلات الانوار متعلقه ومنوره الدنيا كلها وصوت الاغاني علي الاخر والزغروطه بترن في كل حته وغيرها من مظاهر الفرح اللي كلنا عارفنها ........
تعالوا بقي نتخيل دعوه الطلاق هتبقي ايه ورقه عاديه ولا ورقه سوداء علشان تمشي مع المناسبه وهيبقا بردوا مكتوب فيها اسم المطلق والمطلقه وانهم بيتشرفوا بحضور حفل الطلاق طيب ايه بقي اللي من مظاهر الحفل ده ؟ ؟؟؟

من وجهة نظري ممكن نقول لبس اسود في اسود زي فيلم استاكوزا واغاني منتهي الحزن ولا ايه مش عارفه بس كنت بتصفح علي احدي المواقع لاقيت واحد كاتب انه تلقي دعوه طلاق وان في ناس فعلا بتعمل حفله طلاق "في امريكا"ايه رأيكم في الموضوع ده
ده تبقي ناس عقله حد يقولي هتجنن
ياااااااناس حراااااااااااااام

الخميس، 17 أبريل 2008

رساله الي من أحببت



أبحث عن عيونك لأني أري فيها الحب
وأبحث عن أحضانك لأني أجد فيها الحنان
أبحث عن يديك لأني أشعر بالدفء واحس بالامان

ســــــأظل أتحدث عنك ما بقي
في العروق من نبض
وفي العيون من نظرات
وفي القلب من دقـــــات


ســــــأظـــــل : أحبـــك

الأربعاء، 26 مارس 2008

خبـــر عاجل

ايها الساده اليكم اخر الاخبار
--- لو قلقان اهرش ---
ايوه اهرش مستغرب

لقد اكدت مصادر خاصه بيا انا- دراسه امريكيه حديثه صادره عن المراكز البحثيه ان المناطق المسئوله عن مشاعر القلق والضيق بالمخ تصبح اقل عندما يحك الانسان جلده- بمعني " يهرش في اي حت " احم احم
انتهت نشره الاخبار نواصلكم بالمزيد

حلو اوي لما اكون قلقان اهرش سهله مووووووووت بس علي كده الواحد هيهرش طول اليوم

الخميس، 20 مارس 2008

ســــــــت الحـــبايــب

من المؤكد انه لا يوجد يوم أفضل في العام من 21 مارس يوم ستحتفظ به في ذاكرتك كل عام لأنه مناسبة جميلة و رائعة لتكريم أحب مخلوق اليك
امــــك
من أين أبدأ؟!
لا أدري.. لكني يجب أن أبدأ في الكتابة
عن هذا النبع، وذاك البلسم..
أماه الحبيبة
منذ أن وعيتُ على الحياة، وأمي تمثل لي دائمًا في حياتي ومواقفها الكثيرة هذا النبع الثَرّ المِدْرار الذي لا ينضب، وذلك البلسم العجيب، ذا المفعول السحري، إنها النبع الحاني والبلسم الشافي.
كلما أتعرض لموقف أو مشكلة أجدها تسرع وتغرقني بحنانها، وبلسمها العجيب، فإذا بالموقف أو المشكلة يذوبان كما يذوب الملح في الماء، فإذا بي أتحول من الحزن والهم أو الغضب، إلى السعادة والسرور والهناء، بفضل الله - سبحانه وتعالى - أولاً وأخيرًا، ثم أماه الحبيبة بارك الله فيها.. وفي صحتها.. وعمرها.. وجعلها من السعداء في الدنيا والآخرة، كما أنها سبب في سعادتي دائمًا في هذه الحياة عندما أكون معها، هي وأمهات المؤمنين والمؤمنات والمسلمين والمسلمات، وأسأل الله - عز وجل - أن ترضى عني حتى يرضى الله عني، وكذاك أبي.
الأم مدرسة إذا أعددتها أعددت شعبًا طَيِّبَ الأَعْرَاق
"رَبِّ ارْحَمْهُمَا كَمَا رَبَّيَانِي صَغِيرًا"
أماه لو كان عمرك بيدي
لزدته ولو كان فيه فنائي
أماه لو كان أمري بيدي
لرفعـتك لعنان السمـاء
مـــــــــامـــــــــا سـت الكل ربنا يخليكي ليا وعلي قد ما أقدر أسعدك
بحبــــــــك يا أمـــــــي

الأربعاء، 19 مارس 2008

المــــولد النبــوي الشــريـف

كانت "مكة" على موعد مع حدث عظيم كان له تأثيره في مسيرة البشرية وحياة البشر طوال أربعة عشر قرنًا من الزمان،كان ميلاد النبي "محمد" صلى الله عليه وسلم أهم حدث في تاريخ البشرية على الإطلاق منذ أن خلق الله الكون، وسخر كل ما فيه لخدمة الإنسان،
وفي (12 من ربيع الأول) من عام الفيل شرف الكون بميلاد سيد الخلق وخاتم المرسلين "محمد" صلى الله عليه وسلم.
هو محمد بن عبد الله بن عبد المطلب بن هاشم بن عبد مناف بن قصي بن كلاب بن مرة"،
وأمه "آمنة بنت وهب بن عبد مناف بن زهرة بن كلاب بن مرة"،
كان مولد النبي صلى الله عليه وسلم نذيرا بزوال دولة الشرك، ونشر الحق والخير والعدل بين الناس، ورفع الظلم والبغي والعدوان.
فقد محمد صلى الله عليه وسلم أباه قبل مولده ولم تلبث أمه "آمنة" أن توفيت في "الأبواء" – بين "مكة" و "المدينة"
عاش "محمد" صلى الله عليه وسلم في كنف جده "عبد المطلب" وكان يحبه ويعطف عليه، فلما مات "عبد المطلب" وكان "محمد" في الثامنة من عمره، كفله عمه "أبو طالب"، فكان خير عون له في الحياة بعد موت جده، وكان أبو طالب سيدًا شريفًا مطاعًا مهيبًا، مع ما كان عليه من الفقر، وكان "أبو طالب" يحب محمدًا ويؤثره على أبنائه ليعوضه ما فقده من حنان وعطف وحينما خرج "أبو طالب" في تجارة إلى "الشام" تعلق به "محمد" فرقّ له "أبو طالب" وأخذه معه،
وقد عُرف النبي صلى الله عليه وسلم بالصادق الأمين، وكان موضع احترام وتقدير "قريش" في صباه وشبابه، حتى إنهم احتكموا إليه
وعندما بلغ "محمد" صلى الله عليه وسلم الخامسة والعشرين تزوج السيدة "خديجة بنت خويلد"، قبل أن يُبعث، فولدت له "القاسم" و"رقية" و"زينب" و"أم كلثوم"، وولدت له بعد البعثة "عبد الله". ولما استكمل النبي صلى الله عليه وسلم أربعين سنة كانت بعثته، وكانت "خديجة" أول من آمن به من النساء، وكان "أبو بكر الصديق" أول من آمن به من الرجال، و"علي بن أبي طالب" أول من آمن من الصبيان.
وأقام النبي صلى الله عليه وسلم بمكة ثلاث سنين يكتم أمره، ويدعو الناس سرًا إلى الإسلام، فآمن به عدد قليل، فلما أمر بإبلاغ دعوته إلى الناس والجهر بها، بدأت قريش في إيذائه وتعرضت له ولأصحابه، ونال المؤمنون بدعوته صنوف الاضطهاد والتنكيل، وظل المسلمون يقاسون التعذيب والاضطهاد حتى اضطروا إلى ترك أوطانهم والهجرة إلى "الحبشة" ثم إلى المدينة. ومرّت الأعوام حتى عاد النبي صلى الله عليه وسلم إلى مكة فاتحًا –في العام العاشر من الهجرة- ونصر الله المسلمين بعد أن خرجوا منها مقهورين، ومكّن لهم في الأرض بعد أن كانوا مستذلّين مستضعفين، وأظهر الله دينه وأعز نبيه ودحر الشرك وهزم المشركين.
وفي العام التالي توفي النبي صلى الله عليه وسلم في (12 من ربيع الأول 11هـ = 7 من يونيو 632م) عن عمر بلغ (63) عامًا.
وكل سنه والأمة الأسلاميه بخير

السبت، 15 مارس 2008

مــن احلــي ايــــامـي


انا كنت عاوزه اكتب اليوم ده من ساعة لما رجعت بس من كتر الفرحه نسيت اكتب بس مش نسيت اليوم وتلبيه لطلب احدي صديقاتي قررت اكتبه " نزولا لطلب الجماهير مدونتي المتواضعه"
اليوم ده كان السبت الماضي 7/3 بمناسبه عيد ميلادي اللي كان فات من اسبوع ققرت انا واصحابي نعمل زي رحله نخرج نتفسح وكا نوع من التغير روحنا القناطر مش هاقول انها كانت فانتاستك بس اللمه بتاعتنا كانت رائعه لعب وضحك ورقص وغني وفرحه كبيره كانت الجو جميل " الي حد ما " بس الفرحه نستنا الجو والدنيا معتقدش ان كان في حد مش فرحان اتجمعنا الساعه 10 صباحا امام ماسبيرو وكالعاده في ناس اتأخرت بس مش مهم اتحركت الباخره حوالي 11.30 ص تقريبا طبعا كنا قاعدين نسلم بقي علي بعض بدأت الباخره تتحرك تاتاتاتااااااااااااااااا
بدأت عصافير البطن تصوصو فرشنا الاكل ومأولكمش بقي علي ما احلي الأكل بين الاصدقاء واللمه الحلوه وبعدين بدأت الاغاني تشتغل الناس اتلمت وهتيك تصفيق وضحك وظهرت الموبايلات ام كاميرا والتصوير كان علي ودنه والرقص طبعا واحنا البنات لحد دلوقتي كنا متفرجين بس
الحمد لله وصلنا القناطر بعد حوالي ساعتين قاعدنا في القريه الكل ساب الحاجه علي الترابيزات واتجه نحو الموسيقي كان معانا مواهب فنيه هائله حبيب هارت اللي ربنا يحرصه ويحفظه " مصطفي " كان عنده مواهب هائله اما بقي "عمرو" ده تقريبا مهمدش وبمناسبه الكلام عن عمرو اللي هداني اغرب هديه بمناسبه عيد ميلادي وهي رقصه بالصاجات
ومش بس الولاد هما بس اللي عندهم مواهب لا ده حته تبقي عيبه في حقنا كلنا بصراحه رقصنا هند وشوشو وزئرده- مها – وانا

اما بقي عن توأم روحي " منار " واللي مجنناني علي طول كانت مبسوطه علي الاخر ويبختها راحت ركبت عجل وكانت آخر انسجاااام
احلي لحظه بجد لما لقيت نفسي برقص معاه كنت انا وهو بس والكل بيصفق كنت حاسه اني طايره
وبعدين خارجنا كلنا من القريه في اللي ركب عجل و واللي قعد واللي اتمشي وده انا مشينا واتفرجت علي القناطر لاول مره بس كانت بعين تانيه خااااااااالص
ودلوقتي حان وقت الرحيل وانتهي اليوم بسرعه اصل اللحظات الحلوه عمرها قصير كنا كلنا فرحنين الكل روح بيته وهو في قمه السعاده ونتمني تتكرر تاني