انا كنت عاوزه اكتب اليوم ده من ساعة لما رجعت بس من كتر الفرحه نسيت اكتب بس مش نسيت اليوم وتلبيه لطلب احدي صديقاتي قررت اكتبه " نزولا لطلب الجماهير مدونتي المتواضعه"
اليوم ده كان السبت الماضي 7/3 بمناسبه عيد ميلادي اللي كان فات من اسبوع ققرت انا واصحابي نعمل زي رحله نخرج نتفسح وكا نوع من التغير روحنا القناطر مش هاقول انها كانت فانتاستك بس اللمه بتاعتنا كانت رائعه لعب وضحك ورقص وغني وفرحه كبيره كانت الجو جميل " الي حد ما " بس الفرحه نستنا الجو والدنيا معتقدش ان كان في حد مش فرحان اتجمعنا الساعه 10 صباحا امام ماسبيرو وكالعاده في ناس اتأخرت بس مش مهم اتحركت الباخره حوالي 11.30 ص تقريبا طبعا كنا قاعدين نسلم بقي علي بعض بدأت الباخره تتحرك تاتاتاتااااااااااااااااا
بدأت عصافير البطن تصوصو فرشنا الاكل ومأولكمش بقي علي ما احلي الأكل بين الاصدقاء واللمه الحلوه وبعدين بدأت الاغاني تشتغل الناس اتلمت وهتيك تصفيق وضحك وظهرت الموبايلات ام كاميرا والتصوير كان علي ودنه والرقص طبعا واحنا البنات لحد دلوقتي كنا متفرجين بس
الحمد لله وصلنا القناطر بعد حوالي ساعتين قاعدنا في القريه الكل ساب الحاجه علي الترابيزات واتجه نحو الموسيقي كان معانا مواهب فنيه هائله حبيب هارت اللي ربنا يحرصه ويحفظه " مصطفي " كان عنده مواهب هائله اما بقي "عمرو" ده تقريبا مهمدش وبمناسبه الكلام عن عمرو اللي هداني اغرب هديه بمناسبه عيد ميلادي وهي رقصه بالصاجات
ومش بس الولاد هما بس اللي عندهم مواهب لا ده حته تبقي عيبه في حقنا كلنا بصراحه رقصنا هند وشوشو وزئرده- مها – وانا
اما بقي عن توأم روحي " منار " واللي مجنناني علي طول كانت مبسوطه علي الاخر ويبختها راحت ركبت عجل وكانت آخر انسجاااام
احلي لحظه بجد لما لقيت نفسي برقص معاه كنت انا وهو بس والكل بيصفق كنت حاسه اني طايره
وبعدين خارجنا كلنا من القريه في اللي ركب عجل و واللي قعد واللي اتمشي وده انا مشينا واتفرجت علي القناطر لاول مره بس كانت بعين تانيه خااااااااالص
ودلوقتي حان وقت الرحيل وانتهي اليوم بسرعه اصل اللحظات الحلوه عمرها قصير كنا كلنا فرحنين الكل روح بيته وهو في قمه السعاده ونتمني تتكرر تاني
هناك 6 تعليقات:
ازيك يا بت ادينى علق على الموضوع علشان مخليش نفسك فى حاجه ولا قولك اصلا مفيش تعليق المهم انك كنتى سعيده وانا فرحت لما قريت فرحتك فى كلامك . اميرة
ميرسي ليكي ياميرو ويارب تكوني انتي كمان سعيده وتفضلي كده علي طووووووول
هاي يا ملوكتي فعلا الرحلة كانت تجنن والوقت كان لذيذ جداواحلى حاجة خلتني مبسوطة هيا لما ركبت العجلة وفعلا حبيب هارتك عندة مواهب مدفونة انا كنت عايزة اقولة يقدم في برنامج هزي يا نواعم بس لت نظري حاجة جامدة جدا انك كتبتي عن كل اللي كانوا موجودين معاكي في الرحلة وتقريبا فقدتي الذاكرة من ناحيتي على العموم انا عمري ما اعرف انساكي وعقبال باقي الرحلات
ميرسي اوي يامرمورتي ويارب تكوني انبسطي فعلا واكيد طالما انا كنت معاكي ياحببتي اما بالنسبه لموضوع هزي يانواعم اوعدك ننظر في الموضوع وهعرضه علي صحبه يا ام لسان ونصف
ازيك يابت وازى حبيب هارتك ويارب تكونوا بخير فعلا الرحله كانت تجنن جدااااا والله الكل انبسط والكل رقص وخصوصا المفجأه هو حبيب هارتك اللى كانت مفجأه غير متوقعه خالص بجد هو كان مفجاه للكل على العموم انا في انتظار الرحله الجايه بس نسيتى حاجه تقوليها انتى زغرط كتير والزغروطه كانت طويله المره اللى جايه اوعى تنسي حاجه خالص والمهم ان احنا عمرنا مهننسي اليوم ده خالص .....شوشو توأم زائرده وهى (حبيب هارتى )على فكره هى وحد تانى
ميرسي خالص يا شوشو وحقك عليك فاتت عليا خالص حكايه الزغروطه احنا نعملك مسابقه اطول زغروطه واكيد هتكسبي وياريت تتكرر الني الرحله
إرسال تعليق