خبـــر عاجل

ايها الساده اليكم اخر الاخبار
--- لو قلقان اهرش ---
ايوه اهرش مستغرب
لقد اكدت مصادر خاصه بيا انا- دراسه امريكيه حديثه صادره عن المراكز البحثيه ان المناطق المسئوله عن مشاعر القلق والضيق بالمخ تصبح اقل عندما يحك الانسان جلده- بمعني " يهرش في اي حت " احم احم
انتهت نشره الاخبار نواصلكم بالمزيد
حلو اوي لما اكون قلقان اهرش سهله مووووووووت بس علي كده الواحد هيهرش طول اليوم

ســــــــت الحـــبايــب

من المؤكد انه لا يوجد يوم أفضل في العام من 21 مارس يوم ستحتفظ به في ذاكرتك كل عام لأنه مناسبة جميلة و رائعة لتكريم أحب مخلوق اليك
امــــك

من أين أبدأ؟!

لا أدري.. لكني يجب أن أبدأ في الكتابة
عن هذا النبع، وذاك البلسم..

أماه الحبيبة
منذ أن وعيتُ على الحياة، وأمي تمثل لي دائمًا في حياتي ومواقفها الكثيرة هذا النبع الثَرّ المِدْرار الذي لا ينضب، وذلك البلسم العجيب، ذا المفعول السحري، إنها النبع الحاني والبلسم الشافي.
كلما أتعرض لموقف أو مشكلة أجدها تسرع وتغرقني بحنانها، وبلسمها العجيب، فإذا بالموقف أو المشكلة يذوبان كما يذوب الملح في الماء، فإذا بي أتحول من الحزن والهم أو الغضب، إلى السعادة والسرور والهناء، بفضل الله - سبحانه وتعالى - أولاً وأخيرًا، ثم أماه الحبيبة بارك الله فيها.. وفي صحتها.. وعمرها.. وجعلها من السعداء في الدنيا والآخرة، كما أنها سبب في سعادتي دائمًا في هذه الحياة عندما أكون معها، هي وأمهات المؤمنين والمؤمنات والمسلمين والمسلمات، وأسأل الله - عز وجل - أن ترضى عني حتى يرضى الله عني، وكذاك أبي.

الأم مدرسة إذا أعددتها أعددت شعبًا طَيِّبَ الأَعْرَاق

"رَبِّ ارْحَمْهُمَا كَمَا رَبَّيَانِي صَغِيرًا"

أماه لو كان عمرك بيدي

لزدته ولو كان فيه فنائي

أماه لو كان أمري بيدي

لرفعـتك لعنان السمـاء

مـــــــــامـــــــــا سـت الكل ربنا يخليكي ليا وعلي قد ما أقدر أسعدك

بحبــــــــك يا أمـــــــي

المــــولد النبــوي الشــريـف

كانت "مكة" على موعد مع حدث عظيم كان له تأثيره في مسيرة البشرية وحياة البشر طوال أربعة عشر قرنًا من الزمان،كان ميلاد النبي "محمد" صلى الله عليه وسلم أهم حدث في تاريخ البشرية على الإطلاق منذ أن خلق الله الكون، وسخر كل ما فيه لخدمة الإنسان،

وفي (12 من ربيع الأول) من عام الفيل شرف الكون بميلاد سيد الخلق وخاتم المرسلين "محمد" صلى الله عليه وسلم.

هو محمد بن عبد الله بن عبد المطلب بن هاشم بن عبد مناف بن قصي بن كلاب بن مرة"،

وأمه "آمنة بنت وهب بن عبد مناف بن زهرة بن كلاب بن مرة"،

كان مولد النبي صلى الله عليه وسلم نذيرا بزوال دولة الشرك، ونشر الحق والخير والعدل بين الناس، ورفع الظلم والبغي والعدوان.

فقد محمد صلى الله عليه وسلم أباه قبل مولده ولم تلبث أمه "آمنة" أن توفيت في "الأبواء" – بين "مكة" و "المدينة"

عاش "محمد" صلى الله عليه وسلم في كنف جده "عبد المطلب" وكان يحبه ويعطف عليه، فلما مات "عبد المطلب" وكان "محمد" في الثامنة من عمره، كفله عمه "أبو طالب"، فكان خير عون له في الحياة بعد موت جده، وكان أبو طالب سيدًا شريفًا مطاعًا مهيبًا، مع ما كان عليه من الفقر، وكان "أبو طالب" يحب محمدًا ويؤثره على أبنائه ليعوضه ما فقده من حنان وعطف وحينما خرج "أبو طالب" في تجارة إلى "الشام" تعلق به "محمد" فرقّ له "أبو طالب" وأخذه معه،

وقد عُرف النبي صلى الله عليه وسلم بالصادق الأمين، وكان موضع احترام وتقدير "قريش" في صباه وشبابه، حتى إنهم احتكموا إليه

وعندما بلغ "محمد" صلى الله عليه وسلم الخامسة والعشرين تزوج السيدة "خديجة بنت خويلد"، قبل أن يُبعث، فولدت له "القاسم" و"رقية" و"زينب" و"أم كلثوم"، وولدت له بعد البعثة "عبد الله". ولما استكمل النبي صلى الله عليه وسلم أربعين سنة كانت بعثته، وكانت "خديجة" أول من آمن به من النساء، وكان "أبو بكر الصديق" أول من آمن به من الرجال، و"علي بن أبي طالب" أول من آمن من الصبيان.

وأقام النبي صلى الله عليه وسلم بمكة ثلاث سنين يكتم أمره، ويدعو الناس سرًا إلى الإسلام، فآمن به عدد قليل، فلما أمر بإبلاغ دعوته إلى الناس والجهر بها، بدأت قريش في إيذائه وتعرضت له ولأصحابه، ونال المؤمنون بدعوته صنوف الاضطهاد والتنكيل، وظل المسلمون يقاسون التعذيب والاضطهاد حتى اضطروا إلى ترك أوطانهم والهجرة إلى "الحبشة" ثم إلى المدينة. ومرّت الأعوام حتى عاد النبي صلى الله عليه وسلم إلى مكة فاتحًا –في العام العاشر من الهجرة- ونصر الله المسلمين بعد أن خرجوا منها مقهورين، ومكّن لهم في الأرض بعد أن كانوا مستذلّين مستضعفين، وأظهر الله دينه وأعز نبيه ودحر الشرك وهزم المشركين.

وفي العام التالي توفي النبي صلى الله عليه وسلم في (12 من ربيع الأول 11هـ = 7 من يونيو 632م) عن عمر بلغ (63) عامًا.

وكل سنه والأمة الأسلاميه بخير

مــن احلــي ايــــامـي

انا كنت عاوزه اكتب اليوم ده من ساعة لما رجعت بس من كتر الفرحه نسيت اكتب بس مش نسيت اليوم وتلبيه لطلب احدي صديقاتي قررت اكتبه " نزولا لطلب الجماهير مدونتي المتواضعه"
اليوم ده كان السبت الماضي 7/3 بمناسبه عيد ميلادي اللي كان فات من اسبوع ققرت انا واصحابي نعمل زي رحله نخرج نتفسح وكا نوع من التغير روحنا القناطر مش هاقول انها كانت فانتاستك بس اللمه بتاعتنا كانت رائعه لعب وضحك ورقص وغني وفرحه كبيره كانت الجو جميل " الي حد ما " بس الفرحه نستنا الجو والدنيا معتقدش ان كان في حد مش فرحان اتجمعنا الساعه 10 صباحا امام ماسبيرو وكالعاده في ناس اتأخرت بس مش مهم اتحركت الباخره حوالي 11.30 ص تقريبا طبعا كنا قاعدين نسلم بقي علي بعض بدأت الباخره تتحرك تاتاتاتااااااااااااااااا
بدأت عصافير البطن تصوصو فرشنا الاكل ومأولكمش بقي علي ما احلي الأكل بين الاصدقاء واللمه الحلوه وبعدين بدأت الاغاني تشتغل الناس اتلمت وهتيك تصفيق وضحك وظهرت الموبايلات ام كاميرا والتصوير كان علي ودنه والرقص طبعا واحنا البنات لحد دلوقتي كنا متفرجين بس
الحمد لله وصلنا القناطر بعد حوالي ساعتين قاعدنا في القريه الكل ساب الحاجه علي الترابيزات واتجه نحو الموسيقي كان معانا مواهب فنيه هائله حبيب هارت اللي ربنا يحرصه ويحفظه " مصطفي " كان عنده مواهب هائله اما بقي "عمرو" ده تقريبا مهمدش وبمناسبه الكلام عن عمرو اللي هداني اغرب هديه بمناسبه عيد ميلادي وهي رقصه بالصاجات
ومش بس الولاد هما بس اللي عندهم مواهب لا ده حته تبقي عيبه في حقنا كلنا بصراحه رقصنا هند وشوشو وزئرده- مها – وانا
اما بقي عن توأم روحي " منار " واللي مجنناني علي طول كانت مبسوطه علي الاخر ويبختها راحت ركبت عجل وكانت آخر انسجاااام
احلي لحظه بجد لما لقيت نفسي برقص معاه كنت انا وهو بس والكل بيصفق كنت حاسه اني طايره
وبعدين خارجنا كلنا من القريه في اللي ركب عجل و واللي قعد واللي اتمشي وده انا مشينا واتفرجت علي القناطر لاول مره بس كانت بعين تانيه خااااااااالص
ودلوقتي حان وقت الرحيل وانتهي اليوم بسرعه اصل اللحظات الحلوه عمرها قصير كنا كلنا فرحنين الكل روح بيته وهو في قمه السعاده ونتمني تتكرر تاني

لا والـــف لا لــلإدمـــــان

سمعتم عن الحمله بتاعه المخدرات "حمله حمايه" انا أول لما عرفت قررت أعرف باقي اصدقائي وقلت بدل التليفون وده توفير للفاتوره اللي كل مرة بابا يشد شعره منها وحفاظا علي شعر بابا قررت اكتبهلكم علي المدونه بتاعتي

سبنا بقي من بابا وشعره يوووووووووو المهم تعالوا نعرض عرض سريع للوضع الحالي

1- قد بلغ عدد مدمني المخدرات في العالم العربي حوالي 10 مليون مدمن وفي مصر وحدها حوالي 4 مليون مدمن.
2- يتوقع زيادة مطرده في هذه الاعداد نتيجة لانخفاض اسعار المخدرات وزيادة معدلات البطالة والاحباط لدى الشباب.
3- هناك تزايد مستمر في انتشار الجرائم الكبرى (الاغتصاب والقتل) والصغري (السرقة) وحوداث الطرق وجرائم العنف الاسري (بسبب ادمان الاب او الابن) مما يشكل تهديد متزايد لأمن المجتمع العربي.
4- الإدمان لم يعد منتشرا بين الذكور فقط وإنما تتزايد نسبته بين الإناث أيضا، مما يهدد بانتشار الجرائم الاخلاقية في المجتمع.
5- إجمالي عدد من توجه للعلاج في السنوات الثلاثة الاخيرة في العالم العربي لا يزيد عن 4 الالاف مدمن سنويا فقط.
6- انتشار الادمان بين المسجونين في السجون العربية مع عدم وجود آلية لعلاج هؤلاء المسجونين تمثل خطر مستقبلي كبير.

تعالوا بقي للمشكلة: -
حقيقة المشكلة أن الجهود الحالية المبذولة من جانب الحكومات وأجهزة الشرطة والجهات المتخصصة غير كافية وغير قادرة على تحقيق نتائج ملموسة سواء في اقناع الإصحاء من الشباب ليتجنبوا هذه الافة أو لاقناع المدمنين الحاليين بان يبدأو برنامج العلاج. وذلك ليس بسبب عدم كفاءة هذه الاجهزة لكن بسبب أن المشكلة أكبر من ان يقوم بحلها جهاز أو إدارة أو حكومة وإنما يحتاج الأمر إلي مشاركات بين هذه الجهات جميعا ومعها الجهات الشعبية والتطوعية لتهز المجتمع الشبابي كله لفترة محددة ومكثفة ثم تسلم نتائج عملها لهذه الجهات المتخصصة لتتابع عملها بعد هذه الحملة التوعوية الشعبية.

اما بقي عن هدف الحملة :
تهدف الحملة إلي إشراك المجتمع في جهود التوعية لابعاد الاجيال الجديدة عن تعاطي وإدمان المخدارت وذلك بالتركيز علي أمرين اساسين :
1- اقناع وتوعية الاصحاء ليبقوا اصحاء.
2- توجيه المدمنين ليبدأو برنامج العلاج.وسيتم ذلك من خلال حملة لمدة خمس اسابيع مطلوب فيها من المجتمع المشاركة في تحقيق الهدف

أزاي بقي يتم تحقيق الاهداف "يعني هيعملواايه ؟"

1- وضع مليون استكير بعنوان "لا للمخدرات" في أماكن تجمعات الشباب مثل النوادي والجامعات والمدراس الثانوي وغيرها من الاماكن العامة الشبابية.وقد تم تصميم استكير موحد سيوضع على مواقع الانترنت المختلفة ليسهل طباعته وتقليده مع وضع عداد على مواقع الانترنت للتاكد من تحقيق المستهدف.
2- إقامة خمسة الالاف Event في العالم العربي يقوم بها الشباب بتوعية بعضهم البعض مثل (حفل غنائي – خطبة جمعة – ندوة مدرسية – برنامج فضائي -ماراثون جري – فقرة في الإذاعة المدرسية – ندوة دينية – مقال صحفي- ندوة مع شخصية مشهورة ...إلي غير ذلك).على أن يتم توفير أفكار ومواد دعائية للشباب على مواقع الانترنت المختلفة ليقوموا بطباعتها واستخدامها، وسيتم ايضا وضع عداد على مواقع الانترنت المختلفة كوسيلة قياس لتحقيق المستهدف

3- توجيه5الالاف مدمن عربي لبدء برنامج العلاج : وهو مستهدف صعب وليس بالسهل لكنه قابل للتحقيق، خاصة وأنه سياتي بعد تهيئة الاجواء بين الشباب من خلال المليون استكير والـ 5000 Event . والمقصود هنا هو بدأ برنامج العلاج وليس العلاج نفسه فمن المعروف أن العلاج يستغرق فترة من اربع إلي ستة اشهر بينما المستهدف هنا هو بدء برنامج العلاج بمعنى أن تتحرك إرادة المدمن نفسه ويتصل بحملة حماية من خلال الـCall Center المخصص لذلك أو الايميل السري المخصص لذلك ليطلب توصيله بالمراكز المعالجة للادمان ليبدأ برنامج العلاج. وقد تم الاتفاق مع معظم مراكز علاج الادمان في العالم العربي لتوفير الاسرة بشكل خاص لحملة حماية وعمل خصومات مالية تصل إلي 50 % للمدمنين القادمين من طرف الحملة، كما تم الاتفاق ايضا مع هذه المراكز لتوفير جزء مجاني من الاسرة والعلاج للفقراء حتى لا تكون الحملة للاغنياء فقط. وسيتم الاعلان عن ارقام الـ Call Center والايميل السري والمراكز العلاجية من خلال الفضائيات والصحف والاذاعات ومواقع الانترنت.

ايه رأيكم هي فعلا حمله كويسه وانا بجد هسعي بكل جهد اني اشترك فيها علشان احد من هذه الظاهره لا علشان نخفيها خالص بس بجد ياريت تكمل وانتم كمان يلا كلنا نسعي علشان نحاول نمحي الظاهره الملعونه ده

هي فوضــــي وخـــلاص

" هي فوضي " ده طبعا اسم اخر فيلم للمخرج العالمي يوسف شاهين بس اكيد الفوضي موجوده من قبل كده من زمااااااااان

وما اكثر الفوضي في بلادنا علي اد الفيلم ده ما هو جرئ بس بجد يستاهل يوصل للعالميه كقصه كتمثيل كأخراج وانتاج طبعا

سبنا بأه من الفيلم تعالوا لارض الواقع " الفوضي " الفوضي دلوقتي بقيت في كل حته وشويه شويه هتبقي موضه الشارع فوضي في المصالح الحكوميه اكيييييييييد في فوضي المدارس والجامعات خاصا شئون الطلبه وفي المستشفيات وبمناسبه المستشفيات كنت مع ماما قريب في المستشفي وكان دورنا رقم 68 قولت مش مهم الوقت دلوقتي يعدي وبعد شويه لقيت واحده جت من الخارج وكانت رقم 95 ودخلت علي طووووووول لما قمت سألت لقيت الممرضه اللي كانت واقفه بدخلنا بتقولي ارقام ايه لما اسمك يجي هتدخلي حته في المرض بقي في فوضه حرااااااااام بجد كده يعتي رضينا بالهم والهم متأنعر علينا يعني هما عملين الارقام علشان يحدوا من الفوضي ومفيش فايده الفوضي من كترها بقيت بتجري في الدم فوضي في الشوارع زحمه تكره الواحد يحرم يعتب بره عتبه بيته علشان يخرج ومؤلوكمش بقي علي شئون الطالبه بتاعه الجامعه اقول اصحي من بدري واحرم نفسي من الاستمتاع بالدفي والاحلام علشان الحق اخلص ورقي ومفيش فايده لازم ابيت في الجامعه بعد كده

في حاجه كمان من ضمن الفوضي اللي تحرق بقي الدم اكون ماشيه في الشارع اشوف ام جيبه لابنها حاجه حلوه عادي بس اللي مش عادي بقي انهاتعدي من جنب صنديق القمامه وتقوله ارميها بقي مش خلصت ده تبقي أم ببقي نفسي اشلها هيله بيله وارميها جوه الصندوق

اما بالنسبه للمصالح الحكوميه تلاقي الوحده من دول وخدالي معاها الفاصوليه والارز علشان تحضرها لحسن ياعيني مش بتلحق تخلص وابو العيال بيرجع تعبان وجعان اوي ومصالح الناس بتتقضي مش هنكر بس علي مهلها علي الاخر يعني هوانت ولا انتي وراكي ايه الديوان يعني مثلا لو في ورق حد مريض لازم يخلص بسرعه ممكن يموت وبعد كده يبقي يخلص الورق كله مره واحده ويطلعه شهاده وفاة بالمره وغيرهاكتتتتتير........ طيب والحل ايه ؟ هنفضل كده علي طول ؟ انا خايفه اصحي في يوم الاقي الفوضي تطلع موضه واااااااااااااااو

اذا أرت شيئا بشده فأطلق سراحه

فإن عاد اليك فهو ملكا لك الي الابد

وإن لم يعد فأنه لم يكن لك من البدايه

آلــــــه الكــــون

ازيكم يا اصدقائي وحشتوني كتير يارب تكونوا بخير وعلي احسن حال علي العموم انا انهارده هتكلم معاكم علي السؤال اللي كنت سألتكم عليه قبل كده وهو ....... اي الشئ الذي لايعلمه الله ؟ ..... طبعا كلكم دلوقتي بتقولوا ايه ده انتي اتجننتي او جري في مخك حاجه استغفر الله العظيم ده ربنا علام الغيوب

كنت قاعده مره زهقانه فرحت دخلت علي احدي المنتديات وفجأه لقيت السؤال ده مكتوب منشيت كبير استغربت وقولت ايه ده هما مش مقديهم اللي قالوا عن الرسول " صلي الله عليه وسلم " والاساءه اللي حصلت في الدنمارك كمان هيتكلموا عن الله- سبحانه وتعالي- ده خالق البشر والكون كله دخلت علي طول وانا كلي فضول اعرف ايه ده الذي لا يعلمه الله كنت في قمه غضبي ولما بدأت اقرأ بدأت اهدء تدريجيا وعندما خلص المقال لقيت نفسي ببتسم وفجأه الثوره اللي كنت فيها راح علي طوووووووووووووول

تعالوا انتم كمان معايا أقروا الموضوع وتقولولي رأيكم

* الشئ الذي لا يعلمه الله -سبحانه وتعالي - هو الشريك في الملك هو وحده الذي بيده الملك والحكم فهو علام الغيوب

* الشئ الذي لايوجد في خزائن الله -سبحانه وتعالي - فهو الفقر فهو الغني

* الشئ الذي يوجد عند البشر ولا يوجد عند الله فهو الزوجه والولد فهو الواحد الاحد

ودلوقتي انا هسبكم تفكروا في الكلام ده وهستني التعليقات والاراء بتاعتكم علي الموضوع

مع السلامه اشوفكم علي خير