حب الحيـاه عش كل لحظه وكأنها اخر لحظه في حياتك

عش بالايمان ، عش بالامل ،

عش بالحب ، عش بالكفاح ،

وقدر قيمة الحياه.

اللــــــــــــه " سبحــانه وتعـــالي "

ازيكم يا أصدقائي وحشتوني ايه رأيكم انهارده نتكلم عن " ربنــا " متستغربوش عارفين انا كنت موجوده في الجامعه كان الجو جميل جدا والشمس طالعه والجو كان هادئ وفجأه شوفت منظر سبحانه الرازق الوهاب الجو انا مش هقول قلب او بقي وحش علشان ربنا مش بيعمل حاجه وحشه

...ان الله جميلا يحب الجمال ... بس هقول ان الجو اتغير من حال لحال اخر شوفت البرق وسمعت الرعد - سبحان الله - بجد كان منظر علي اد ماكنت حسه بخوف بس كنت سعيده جداااا عارفين ايه احسن حاجه نعملها ....؟؟؟؟

ادعي ايوه ادعي ربنا بأي حاجه انت عاوزها ادعي انك تنجح مثلا او ان ربنا يهديك ويهدينا جميعا ويشفينا ويسترنا ويحسن خاتمتنا اجمعين اللهم امين امين امين يــــــا الله انشاله حتي تدعي ان ربنا يرزقك بربع جنيه افتكر ربنا كتير وسبح بحمده واذكره علي اد ماتقدر علشان ربنا يكرمنا

ايه رأيكم انا جبتلكم حبت ادعيه تعالوا اقرؤهامعايا ويارب تكون من نصبكم

:::> اللهم اني ظلمت نفسي ظلما كثيرا ولا يغفر الذنوب الا انت فاغفر لي مغفرة من عندك وارحمني انك انت الغفور الرحيم

:::> اللهم اني اعوذ بك من شر نفسي ومن شر كل سلطان مريد ومن شر كل جبار عنيد ومن شر كل قضاء سوء ومن شر كل دابة انت اخذ بناصيتها ان ربي على صراط مستقيم وانت على كل شيء حفيظ

:::> اللهم واسقنا من حوض نبيك محمد (صلى الله عليه وسلم) شربة هنيئة مريئة لا نظمأ بعدها أبدا

:::> اللهم كما سترت ذنوبنا وعيوبنا في الدنيا فاسترها يوم القيامة.. يوم الحسرة والندامة.. يوم يرى كل إنسان منا عمله أمامه

:::> اللهم كن معنا إذا نفخ في الصور.. وبُعثر من في القبور.. وحُصل ما في الصدور.. إليك يا ربنا يوم إذن النشور.. ثَبتنا على الصراط.. يوم تزِل الأقدام.. نور قبورنا إذا أظلمت علينا القبور.. وفارقنا منازلنا والقصور

:::> اللهم هَون علينا سكرات الموت.. وثَبتنا إذا نَزل بنا هادم اللذات.. وانقطعت الأعمال وبقيت الحسرات

:::> اللهم اني اعوذ بالفقر الا اليك ومن الذل الا لك واعوذ بك ان اقول زورا او اغشى فجورا او اكون بك مغرورا واعوذ بك من شماتة الاعداء وعضال الداء وخيبة الرجاء وزوال النعمة

:::> .اللهم اغفر لنا ذنوبنا في ليلتنا هذه أجمعين.. وهب المسيئين منا للمحسنين.. واغفر لجميع موتى المسلمين.. الذين شهدوا لك بالوحدانية.. ولنبيك الرسالة.. وماتوا على ذلك اجمعين

:::> أنت رب المستضعفين.. وأنت ربنا.. إلى من تكلنا.. إلى بعيد يتهجمنا.. أم إلى عدو ملكته أمرنا.. إن لم يكن بك علينا غضب فلا نبالي.. ولكن عافيتك أوسع لنا.. نعوذ بنور وجهك الذي أشرقت له الظلمات.. وصلح عليه أمر الدنيا والآخرة.. من أن تنزل بنا غضبك.. أو تحل علينا سخطك.. لك العتبى حتى ترضى.. ولا حول ولا قوة إلا بالله العلى العظيم

:::> اللهم خفف عنا ثقل اوزارنا وارزقنا عيشة الابرار واكفنا واصرف عنا شر الاشرار واعتق رقابنا ورقاب ابائنا وامهاتنا وعشيرتنا من عذاب القبر ومن النيران برحمتك يا ارحم الراحمين

اللهم امين امين اللهم تقبل يــاالله

يارب يكون الموضوع عجبكم وربنا يتقبل منا جميعا سلام واشوفكم علي خير

الكلـمــــه ومـعنــــاهــــا

مساء الخير علي كل اللي منورين مدونتي المتواضعه ايه رأيكم نتكلم انهارده علي حاجه كده كنت سألتكم عليها قبل كده بس الظاهر انكم مش فهمتوني انا كنت سألتكم علي

يعني ايه معني كلمه .... ازيك ....
حد عمره فاكر في معناها ؟؟؟ عارفين انا لحظت ان لما حد بيشوف حد بعد غياب او حتي لو كان لسه شايفه امبارح اول حاجه هيقولها هي ..ازيــــك ...
لو تعرفوا معني الكلمه ده اد ايه هي فعلا معبره اكيد لما هتعرفوا نظرتكم هتتغير وكل لما تشوف حد تكون بتحبه اكيد هتقوله
..ازيك ازيك ازيك.... تعالوا معايا اقولكم معني الكلمه ده
.. الالف .. أ ::::> يعنـي احبــك
.. الزين .. ز ::::> تعنـي زي الهــوا
.. الياء .. ي ::::> يــــا
.. الكاف .. ك ::::> فهي تبقي كنتم فين مـن زمــاااااااان
شفتم اد ايه الكلمه معبر بجـــد يارب مكنش تقيله عليكم انا كنت عاوزه اسعدكم بس مش اكتر
وياريت تشرفوا مدونتي المتواضعه "زرونــــا تجدوا مـــا يسركـــم"
اشوفكم قريب مع كلمه جـديـده.

عيـــــــد الحـــــــب

ايه رأيكم نتكلم مع بعض انهارده علي مناسبه سعيده جدا جدا هو اينعم فات عليها يومين بس اكيد انتم فاكرنها وهي مناسبه
عيــــد الحـــــب
اليوم ده بالنسبه ليه احلـــي يوم في عمري كله وانا بأطلق عليه... يــــوم الاعتــراف... طبعا عاوزين تعرفوا ليه
زي اليوم ده من سنتين كنت خارجه من المحاضره وكان اول عيد حب يعدي عليا وانا معايا نصفي الثاني كانت فرحتي متتوصفش بس كنت كتماها جوايا مكنش حد يعرف غير اقرب اصدقائي لقلبي وكنت واقفه امام المدرج لكم ان تتخيلوا معي الدور كان زحمه جدا ناس خرجه من محاضره وناس دخله وفجأه لقيت حد ينادي عليا وحينما توجهت اليه بنظري شيئ لايصدقه عقلي حيث انه هو نصفي الاخر يمسك بيداه هديه ويردد كلمات كل سنه وانتي طيبه وبصوت يهمس به بين شفتاه يردد
.... بحبــــــك....
فجأه لقيت نفسي وسط فتيات وفتيان يصفقون ويصفرون بأعلي صوت كانت فرحتي لا وصف لها كنت اشعر وكأنني ارتفع واطير كالعصفور أوكأني اميره متوجه فوق عرش اسمه ....حــــب العمـــــر....

ودلوقتي ايه رأيكم تكتبولي احلي موقف عدي عليكم يوم عيــــد الحـــب بينكم وبين اي حدممكن يكون مع صديقه او صديق او اقارب او مع اخواتك هنتظر مواقفكم
وكمان هسألكم سؤال
لو جالك كارت معايده يتري هتهديه لمين ؟؟؟؟وهتكتبي ايه؟؟؟؟

وكــــل عيـــد حـــب وانتم طيبيـــن

احبــــــائــــــي

ازيكم يامنورين مدونتي المتواضعه انا بصراحه مش عارفه اقول ايه ممكن اعرفكم بيا انا انسانه بسيطه جدا اسمي حب طبعا مش اسمي بس انا بحب الحب عموما وعندي 21 سنه وبدرس في كليه الاداب قسم اجتماع طبعا انتم بتقولوا وده هتتخرجي منه ايه ؟؟ اقولكم هكون باحثه اجتماعيه يعني ابحث عن المشكلات الاجتماعيه وما اكثرها في مجتمعنا واعمل عليها دراسه شامله واقوم بحلها بس انتم ادعولي ربنا يوفقني

ودلوقتي ممكن نختم كلمنا بسؤال خفيف

لما بنشوف حد اول حاجه بتقوله < ازيك > عمرك فكرت معناها ايه....؟

علي العموم فكروا وردوا عليا هنتظركم بااااااااااااي